مه‌ودا میدیا-

ئه‌مڕۆ یه‌كشه‌ممه‌، نرخى گۆشتى مریشك له‌ بازاڕه‌كاندا به‌ته‌واوى هه‌رزان بوو، هۆكاره‌كه‌شى بۆ زۆرى به‌رهه‌مى مریشكى زیندوو ده‌گه‌ڕێته‌وه‌.

رێژین قادر، مریشكفرۆش به‌ مه‌ودا میدیاى راگه‌یاند "نرخى یه‌ك كیلۆ گۆشتى مریشكى زیندوو له‌ دوكانه‌كانى بازاڕ به‌ 2400 بۆ 2500 دیناره‌".

باسى له‌وه‌شكرد "له‌ كێڵگه‌كان 150 بۆ 200 دینار له‌ خوار نرخى بازاڕه‌وه‌یه‌ و هۆكارى هه‌رزانبوونه‌كه‌ش بۆ زۆرى به‌رهه‌م ده‌گه‌ڕێته‌وه‌".

وتیشى "ئێستا رێگا نادرێت مریشك بڕوات بۆ شاره‌كانى خوار و ناوه‌ڕاستى عیراق ئه‌وه‌ش هۆكارێكى ترى هه‌رزانبوونى نرخى گۆشتى مریشكى زیندووه‌".

ع