مه‌ودا میدیا-

ئه‌مڕۆ یه‌كشه‌ممه‌، نرخى دراوى دیجیتاڵى بیتكۆین له‌ به‌سته‌ره‌كاندا نرخى مێژوویی تۆماركرد و به‌شێوه‌یه‌كى به‌رچاو به‌رزبووه‌وه‌.

نرخى بیتكۆین گه‌یشته‌ ئاستێكى به‌رز و به‌شێوه‌یه‌كى چاوه‌ڕوان نه‌كراو نرخه‌كه‌ى بۆ 80 هه‌زار دۆلار، به‌ زمانى مامه‌ڵه‌كردنى بازاڕى بۆ هه‌شت ده‌فته‌ر دۆلار به‌رزبووه‌وه‌.

له‌ ماوه‌ى رابردوو بیتكۆین وه‌ك یه‌كێك له‌ دراوه‌ به‌هێزه‌ ئه‌لیكترۆنییه‌كان له‌ بازاڕه‌كاندا به‌رزبوونه‌وه‌ى تۆماركرد به‌ڵام به‌رزبوونه‌وه‌ى ئه‌مجاره‌ جیاوازه‌ و نرخێكه‌ خه‌یاڵى تۆماركردووه‌.

له‌ناو دراوه‌ ئه‌لیكترۆنییه‌كاندا، بیتكۆین به‌هێزترین دراوه‌ و مامه‌ڵه‌یه‌كى زۆرى پێوه‌ ده‌كرێت، ئه‌و نرخه‌ى ئێستاش به‌راورد به‌ ساڵى رابردوو به‌رێژه‌ى سه‌دا 170 به‌رزبووه‌ته‌وه‌، چونكه‌ ساڵى رابردوو یه‌ك بیتكۆین به‌ 30 هه‌زار دۆلار، واته‌ سێ ده‌فته‌ر دۆلار بوو.

ع