مەودا میدیا-

مانگی یەکی ساڵی 2025، مووچەی ئەو خانەنشینانە بە هاوتاکراوی خەرج دەکرێت، کە پێش ساڵی 2014،  خانەنشین کراون.

ئیسماعیل موخلیس، جێگری سەرۆكی لقی هەولێری كۆمەڵەی خانەنشینان رایگەیاند "بۆ پرسی ئەو خانەنشینانەی پێش ساڵی 2014 خانەنشین کراون و مووچەیان هاوتا نەکراوە، سەردانی فەرمانگەی خانەنشینیان کردووە، بڕیار دەرچووە مووچەی هەموو ئەوانە هاوتا دەکرێت و جیاوازیی هاوتاکردنەکەشیان بۆ خەرج دەکرێتەوە".

ئاماژەی بۆ ئەوەشکردووە "لە مانگی یەکی ساڵی 2025، مووچەی ئەو خانەنشینانە بە هاوتاکراوی خەرج دەکرێت، دوای هاوتاکردن، كەمترین مووچەی خانەنشینان لەنێوان 420 بۆ 600 هەزار دینار دەبێت".

ئەوەشی خستەڕوو "بڕیارەکە خانەنشینانی ساڵانی 2010 بۆ2011 و پێشتر دەگرێتەوە، ئەوان لە مانگی یەکی 2025، مووچەیان هاوتا دەکرێت و جیاوازیی  مووچەی شەش مانگی ئەمساڵیان بۆ خەرجدەکرێت".

ب ح