مەودا میدیا-

نوری مالكی، سەرۆكی هاوپەیمانی دەوڵەتی یاسا داوا لە هاوڵاتییان دەكات بەشداریی لە پڕۆسەی سەرژمێریدا بكەن.

رایگەیاند "پڕۆسەی سەرژمێریی چەند لایەنێكی سودبەخش و ئەرێنی هەیە، چونکە زانیاری پێویست دەخاتەڕوو بۆ چارەسەركردنی رێژەی بێكاری و هەژاری لە عیراقدا".

ئاماژەی بۆ ئەوەشکردووە "سەرژمێریی زانیاری پێویست بۆ گەشەپێدان دابیندەكات و سەرچاوەی مرۆیی و ماددی گرنگ ئاشكرا دەكات".

ئەوەشی خستەڕوو "گرنگە هاوڵاتییان بەشداری لە پڕۆسەی سەرژمێریدا بکەن، چونکە وادەكات ئەو ناوچانەی لە خزمەتگوزارییەکان بێبەشن بناسرێن".

ب ح