مه‌ودا میدیا-

بەڕێوەبەرایەتیی خانەنشینی سلێمانی سه‌باره‌ت به‌ خانەنشینی فەرمانبەران بڕیارێك دەردەكات و تێیدا رایده‌گه‌یه‌ێت "هەر فەرمانبەرێک داوای خانەنشینبوون بکات، دەبێت تەمەنی لە 50 ساڵ زیاتر بێت و خزمەتی راژەی 15 ساڵ بێت". راشیده‌گه‌یه‌نێت "ئەو فەرمانبەرانەی دەستیان لەكاركێشاوەتەوە یان فەسڵكراون دەتوانن داوای خانەنشینی بكەن".

له‌ گشتاندنێکى به‌ڕێوه‌به‌رایه‌تییه‌كه‌دا، كە واژۆی بەڕێوەبەری خانەنشینی سلێمانی لەسەرە و ئاڕاستەی پارێزگاری سلێمانی کراوە، هاتووه‌ "هەر فەرمانبەرێک داوای خانەنشینبوون بکات، دەبێت تەمەنی لە 50 ساڵ زیاتر بێت و خزمەتی راژەی 15 ساڵ بێت، ئەوانەشی تەمەنیان 45 ساڵە دەبێت راژەی خزمەتیان 25 ساڵ بێت".

به‌پێى گشتاندنەكە، ئەو فەرمانبەرانەی لەپێش  1/1/2020  فەسڵکراون یان دەستیان لەکارکێشاوەتەوە، ئەگەر لەو کاتەدا تەمەنیان لە سەرووی 50 ساڵەوە بووبێت و 20 ساڵ خزمەتیان هەبووبێت، دەتوانن خانەنشین ببن.

ئه‌وه‌ش هاتووه‌ "ئەوانەشی لە پاش هەمان رێککەوت فەسڵکراون یان دەستیان لەکارکێشاوەتەوە و تەمەنیان لە سەرووی 45 ساڵە و 25 ساڵ خزمەتیان هەیە، بە هەمان شێوە دەتوانن مامەڵەی خانەنشینبوون بکەن".

پ ح ع