مەودا میدیا-

پارێزگاری هه‌ولێر رایدەگەیەنێت ئێستا له‌ دۆخێكی باشداین ئاماژەی بەوەشکرد 11 هه‌زار و 400 كه‌س له‌ سنووری پارێزگای هه‌ولێر پشکنیان بۆ کراوە.

فرسەت سۆفی، پارێزگای هه‌ولێر لە کۆنگرەیەکی رۆژنامەوانیدا رایگەیاند "به‌هۆی ئه‌وه‌ی زوو ده‌ستمان به‌ هه‌نگاوه‌كانی خۆپارێزی كرد و رێكاری پێویستمان گرته‌ به‌ر، بۆیه‌ ئێستا له‌ دۆخێكی باشداین و دۆخەکە لەژێر کۆنتڕۆڵدایە".

ئاماژەی بەوەکرد "16 هه‌زار و 350 كه‌س تاوەکو ئێستا له‌ سه‌رانسه‌ری هه‌رێمی كوردستان پشکنینی ڤایرۆسی کۆرۆنایان بۆ كراوه‌، کە 11 هه‌زار و 400 كه‌سیان له‌ سنووری پارێزگای هه‌ولێرن".

پارێزگاری هەولێر ئەوەشی خستەڕوو "ئەو 6 رۆژەی داهاتوو یەکلاکەرەوە دەبێت، هەروەها خشته‌ی رێگه‌پێدانی رۆژانه‌مان بۆ هاوڵاتییانی شاری هەولێر بڵاوکردووەتەوە".