مەودا میدیا-

حسێن سه‌بری، نوێنه‌ری هه‌رێمی كوردستان له‌ وه‌زاره‌تی بازرگانیی عیراق رایگەیاند "كارتی نیشتمانیی ده‌كرێته‌ بنه‌ما بۆ پێدانی بەشەخۆراكی مانگانە"

ئاماژەی بۆ ئەوەشکرد "ماوه‌ی ساڵێکە دروستكردنی فۆڕمی خۆراك له‌ عیراق راگیراوه‌، لەئێستادا كار بۆ ئه‌وه‌ ده‌كرێت فۆڕمی خۆراك بكرێته‌ ئه‌لیكترۆنی و هه‌فته‌یه‌كه‌ ئه‌زموونێكیان له‌ پارێزگای واست وەرگرتووەو سه‌ركه‌توو بووه‌، بەمنزیکانەش ده‌ست به‌ ئه‌لیكترۆنیكردنی فۆڕمی خۆراك ده‌كرێت".

ئەوەشی خستەڕوو "له‌مه‌ودوا كارتی نیشتمانی ده‌كرێته‌ بنه‌ما بۆ پێدانی به‌شه‌خۆراكی مانگانه‌، واته‌ هه‌ر كه‌سێك كارتی نیشتمانی نه‌بێت  له‌ به‌شه‌خۆراكی مانگانه‌ بێبه‌ش ده‌كرێت و ناوی له‌ سیستمی نوێ تۆمار ناکرێت".

وتیشی "هاوڵاتییان دەتوانن له‌ ماڵه‌وه‌ كاروباری خۆیان جێبەجێ بکەن، له‌ رێگه‌ی ئه‌پلیكه‌یشنێكه‌وه‌ مامه‌ڵەی فۆڕمی خۆراك بکەن".

باسی لەوەشکرد "دوای كه‌وتنه‌كاری سیستمی ئه‌لیكترۆنی، ، ژماره‌ی كارتی نیشتمانی هه‌ر كه‌سێك ده‌بێته‌ ژماره‌ی فۆڕمی خۆراكەکەی".

ب ح