مەودا میدیا-

شانەی راگەیاندنی ئەمنی عیراق، لەبارەی هێرشی هێزە ئاسمانییەکان بۆ سەر مۆڵگە و حەشارگەکانی داعش له‌ چیای حه‌مرین راگەیەندراوێکی بڵاوکردەوە.

رایگەیاند "كاری هاوبەشی نێوان دەزگا و فەرمانگەكانی هەواڵگریی رۆڵی گەورەی هەبووە بۆ لەناوبردنی حەشارگەكانی تیرۆریستان و بەدواداچون بۆ ئەندامەكانیان".

ئاماژەی بۆ ئەوەشکرد "هێزی ئاسمانیی عیراق هەشت هێرشی بۆ سەر  حەشارگەی باندە تیرۆریستییەکان لە زنجیرە چیای حەمرین ئه‌نجامداوه‌".

ئەوەشی خستەڕوو "سەرجەم حەشارگەکانی داعش کە وەك پەناگە و گواستنەوە و شوێنی هەڵگرتنی چەك و كەلوپەل بەكاریان دەهێنا لەناوبراون".

ئەمە لەکاتێکدایە، دوای رووداوەکانی سوریا و هێرشی لەناکاوی گرووپە تووندڕەوەکانی سەربە تورکیا بۆ سەر سوپای سوریا و رووخاندنی دەسەڵاتەکەی بەسار ئەسەد، سوپا  و هێزە ئەمنییەکانی عیراق هێرشە سەربازییەکانیان بۆ سەر حەشارگە و شانەکانی داعش لە ناوچە چۆڵەوانییەکانی عیراق چڕکردووەتەوە.

ب ح