مەودا میدیا-

بەڕێوەبەرایەتی کەشناسیی و بوومەلەرزەزانی هەرێم گۆڕانکارییەکانی کەشوهەوای ئەمڕۆ و سبەینێی بڵاوکردەوە.

رایگەیاند "ئەمڕۆ ئاسمان ساماڵ و نیمچە هەور دەبێت لەگەڵ دروست بوونی تەم لە هەندێ ناوچە شاخاویەکان".

ئاماژەی بۆ ئەوەشکرد "لە بەشێک لە ناوچەکان بارانبارین بەردەوام دەبێت و پلەکانی گەرما نزمتر دەبنەوە و بەفریش لە ناوچە شاخاویەکانیش دەبارێت".

ئەوەشی خستەڕوو "لە ناوچە شاخاویەکانی پارێزگاکانی سلێمانی و هەڵەبجە بارانبارین بەردەوام دەبێت".

وتیشی "لە ناوچە شاخاوییە سنوورییەکان بەفر دەبارێت و پلەکانی گەرما چوار بۆ پێنج پلە بە بەراورد بە دوێنێ نزمدەبێتەوە".

ب ح