مه‌ودا میدیا-

شاره‌زایه‌كى كه‌شوهه‌وا رایده‌گه‌یه‌نێت، شەپۆلی وشکە سەرما کۆتایی دێت و له‌ کۆتایی هەفتە گۆڕانکاریی لە کەشوهەوا روودەدات.

پشتیوان ئیبراھیم، شاره‌زاى كه‌شوهه‌وا به‌ مه‌ودا میدیاى راگه‌یاند "پلەی گەرما بەم شێوەی ئێستا دەبێت تاوەکو رۆژی پێنج شەممه‌ى ئه‌م هه‌فته‌یه‌، بە نزمی دەمێنێتەوە و پاشان گۆڕانکاری لە پلەکانی گەرما روودەدات".

وتیشى "پلەکانی گەرما چەند پلەیەک بەرزدەبێتەوە، هەروەها لە سەرەتای هەفتەی داهاتوو بەهۆی جوڵەکردنی هەندێ شێ لە دەریای سوور لە ڕۆژانی 20 و 21ی مانگ  باران بارین ناوچە دەگرێتەوە لەگەڵ هەورەگرمە و هەورەتریشقە".

ماوه‌ى سێ رۆژه‌ سه‌رما وشكه‌ و شه‌خته‌ هه‌رێمى كوردستانى گرتووه‌ته‌وه‌ و به‌هۆیه‌وه‌ پله‌كانى گه‌رما بۆ خوار سفرى سه‌دى دابه‌زیوون.

ع