مەودا میدیا- سۆما خالید

وتەبێژی وەزارەتی تەندروستی ئەفغانستان رایدەگەیەنێت لە پایتەختی ئەفغانستان 198 کەس و لە ویلایەتی هرات 7 کەس تووشی ڤایروسی کۆرۆنا بوون  ئاماژە بەوەشکردووە ئامارەکانی توشبوان لە بەرزبونەوەدایە. 

وحیداللا ماریا، وتەبێژی  وەزارتی تەندروستی ئەفغانستان  رایگەیاند "لەماوەی 24 کاتژمێری رابردوودا لە کابولی پایتەختی ئەفغانستان  198 کەس و لە ویلایەتی هرات 7 کەس تووشی ڤایروسی کۆرۆنا بوون کە ژمارەی تووشبووان لەم ویلایەتە گەیشتووەتە 273کەس".

ئاماژەی بەوەشکرد " تووشبووان لەژێر چاودێری تەندروستیدان چارەسەر وەردەگرن، ئامارەکانی تووشبووان لە بەرزبونەوەدایە، کۆی گشتی ئامارەکان بریتین لە 607 کەس تووشبووی ڤایرۆسی کۆرونان، 19 کەس گیانیان لەدەستداوە  و 38  کەسیش چارەسەریان وەرگرتووە".