مەودا میدیا- سازگار ئەحمەد

پێشنیوەڕۆی ئەمڕۆ لە شەقامی 40 مەتری شاری هەولێر لە بینایەکی پێنج نهۆمی  گەنجێک خۆی فڕێدایە خوارەوە و گیانی لەدەستدا و پۆلیسیش دەڵێت "هۆکارەکەی نادیارە".

هۆگر عەزیز، وتەبێژی پۆلیسی هەولێر بە مەودا میدیای راگەیاند "تاوەکو ئێستا هۆکاری خۆ فڕێدانە خوارەوەی ئەو گەنجە دیار نییە".

ئاماژەی بەوەشکرد "ئەو گەنجە ناوی (سابر ئیبراهیم)ە و لەدایکبووی ساڵی 1991 کوردە نازانرێت خێزانەکەی کێیە".

لە ئێستادا تەرمی ئەو گەنجە براوەتە پزیشکی دادی هەولێر بەمەبەستی لێکۆڵینەوەی زیاتر لە رووداوەکە.