مه‌ودا میدیا-

فەرماندەی باڵای هەسەدە رایگەیاند، شەڕی هه‌سه‌ده‌ شەڕى پاراستنی کەرامەتی کوردەکان و بەرگریی لە مافی ئەوان لە بەرانبەر داگیرکاری و ستەمە.

سۆزدار دێرک، فەرماندەی باڵای هەسەدە رایگه‌یاند "13 ساڵە کە دەوڵەتی بەشار ئەسەد بۆ کوردەکان رووخاوە و ئەمڕۆش هێرشەکان لەلایەن سوپای تورکیا و گروپه‌كانى سەر بە ئەو وڵاتەوە بۆ سەر ناوچەکەی ئێمە لە ئارادایە بەڵام هێشتا ئێمە لە هەوڵداین تا سیستەمی دیموکراتی خۆمان جێبەجێ بکەین".

وتیشى "شەڕی ئێمە لەگەڵ شەڕە پێشووەکان جیاوازە، چونکه‌ ئێمە لە بەرانبەر دەوڵەتێکی گەورە و ئەندامی ناتۆداین و شەڕەکانی ئێمە لە ناوچە سنوورییەکان لەگەڵ گروپه‌كانى سەر بە تورکیا هەر درێژەی هەیە".

ئه‌وه‌شى خسته‌ڕوو "ئامانجی ئێمە ئەوەیە کە رێگه‌ نەدەین تورکیا و گروپه‌كانى بێنە نێو خاکی ئێمەوە و هەموو هەوڵی خۆمان دەدەین تا بەرگریی بکەین لە شەرافەت و مافی گەلەکەمان".

ع