مه‌ودا میدیا-

هه‌رچه‌نده‌ وا بڕیاربوو ئه‌مڕۆ چوارشه‌ممه‌، په‌رله‌مانى كوردستان كۆببێته‌وه‌ و سه‌رۆكایه‌تیی په‌رله‌مان هه‌ڵبژێردرێت، به‌ڵام ئه‌و كۆبوونه‌وه‌یه‌ نه‌كراو سه‌رۆكایه‌تیش هه‌ڵنه‌بژێدرا.

ماوه‌ى زیاتر له‌ سێ مانگه‌ هه‌ڵبَژاردنى په‌رله‌مانى كوردستان به‌ڕێوه‌چووه‌، به‌ڵام تا ئێستا كۆبوونه‌وه‌ى په‌رله‌مان ئه‌نجامنه‌دراوه‌ و سه‌رۆكایه‌تیی په‌رله‌مان كه‌ له‌ سه‌رۆكى په‌رله‌مان و جێگر و سكرتێری پێكدێت هه‌ڵنه‌بژێردراون.

محه‌مه‌د سلێمان، وه‌ك به‌ته‌مه‌نترین په‌رله‌مانتار، سه‌رۆكى كاتى بوو، له‌ نه‌وه‌ى نوێ ده‌ستیله‌كاركێشایه‌وه‌ و ئازاد محه‌مه‌د ئه‌مین، له‌ فراكسیۆنى یه‌كێتیی نیشتمانیی كوردستان بووه‌ سه‌رۆكى به‌ته‌مه‌نى په‌رله‌مان.

كۆنه‌بووه‌نه‌وه‌ى په‌رله‌مان بۆ كێشه‌ سیاسییه‌كان لایه‌نه‌كان ده‌گه‌ڕێته‌وه‌، هۆكاره‌كه‌ش ئه‌وه‌یه‌ تا ئێستا لایه‌نه‌كان له‌سه‌ر ئاستى حزب رێكنه‌كه‌وتوون، ئه‌وه‌ش هۆكارى ئه‌وه‌یه‌ په‌رله‌مان ناتوانێت كۆببێته‌وه‌ و سه‌رۆكایه‌تیی هه‌ڵبژێرێت.

ع