مەودا میدیا-

ئه‌مڕۆ چوارشه‌ممه‌ 2025/1/22، ئه‌نجومه‌نی شاره‌وانیی سلێمانی، ژماره‌یه‌ك بڕیاری ده‌ركرد و سەبارەت بە دابه‌شكردنی زه‌وی داوایه‌ك ئاڕاسته‌ی لایه‌نه‌ په‌یوه‌ندیداره‌كان دەکات.

شارەوانیی سلێمانی رایگەیاند "پێویستە فه‌رمانگه‌ په‌یوه‌ندیداره‌كان په‌له‌بكه‌ن له‌ وه‌ڵامدانه‌وه‌ی سه‌رۆكایه‌تیی شارەوانی سلێمانی تاوەکو بتوانن رێكاره‌كانی جیاكردنه‌وه‌ و یه‌كگرتنی ئه‌و زه‌وییانه‌ی كه‌ دابه‌ش ده‌كرێت به‌سه‌ر فه‌رمانبه‌راندا خێراتر بکەن".

ئاماژەی بۆ ئەوەشکرد "لەمەودوا هاوڵاتییان بەپێی ئەو مەرجانەی کە دیاریکراون دەتوانن خانوو لەسەر زەوی دوو کەرت (دابەش دوو) دروست بکەن".

ئەوەشی خستووەتەڕوو "نزیكه‌ی 12 مامه‌ڵه‌ی وه‌به‌رهێنان به‌ئاماده‌بوونی به‌شێك له‌ وه‌به‌رهێنه‌كان، به‌پێی پێویستی پرۆژه‌كانیان بۆ شاره‌كه‌ گفتوگۆیان له‌باره‌وه‌كرا و ئاماده‌كران بۆ بڕیاردان، هه‌روه‌ها نزیكه‌ی 30 مامه‌ڵه‌ڤو داواكاریی هاوڵاتییان به‌ ئاماده‌بوونی به‌شێك له‌و هاوڵاتیانه‌ خرانه‌ گفتوگۆوه‌".

ب ح