مەودا میدیا-

ئیدارەی خۆبەڕێوەبەری باکوور و رۆژهەڵاتی سوریا، لەبارەی هێرشەکانی تورکیا لەسەر هاوڵاتییانی مەدەنی راگەیاندراوێکی بڵاوکردەوە.

ئیدارەی خۆبەڕێوەبەری باکوور و رۆژهەڵاتی سوریا رایگەیاند "هێرشەکانی تورکیا بۆ سەر دژی هاوڵاتییانی مەدەنی لە شاری سرین تاوانی جەنگە".

ئاماژەی بۆ ئەوەشکرد "لە پەلامارەکەی تورکیا بۆ سەر شارۆچکەی سرین کە 12 هاوڵاتیی شەهیدبوون و 13ی تریش برینداربوون، بەپێی هەموو یاسا نێودەوڵەتییەکان تاوانی جەنگە و پێشێلکردنی بڕیای 1674ی ئەنجوومەنی ئاسایشە".

ئەوەشی خستووەتەڕوو "داوا لە کۆمەڵگەی نێودەوڵەتی و ئەنجومەنی ئاسایشی نەتەوەیەکگرتووەکان دەکات هەڵوێست وەربگرن و چیتر رێگە نەدەن بەم هێرشە دڕندانانەی دەوڵەتی تورکیا".

باسی لەوەشکرد "داوایان لە لە هاوپەیمانی نێودەوڵەتی کراوە بە خێرایی دەستوەردان بکات و هێرشەکانی تورکیا لە دژی هاوڵاتییانی مەدەنی لە باکوور و رۆژهەڵاتی سوریا رابگرێت".

ب ح