مەودا میدیا-

بەڕێوەبەرایەتیی پۆلیسی ئاكرێ ئاشکرایکرد دوای نەمانی بڕێکی زۆر لە پارەی فەرمانگەی دادنووسی بەردەڕەش دەستیان بە لێکۆڵینەوە کردووەو لە ئەنجامدا دوو فەرمانبەری فەرمانگەیان بە تۆمەتی دزینی پارەکە دەستگیرکردووە.

موقەدەم/ عیماد حسێن، وتەبێژی بەڕێوەبەرایەتیی گشتیی پۆلیسی ئاكرێ رایگەیاند "دوو فەرمانبەری فەرمانگەی دادنووسی بەردەڕەشیان بەتۆمەتی دزینی بڕی 204 ملیۆن دینار دەستگیرکردووە".

ئاماژەی بۆ ئەوەشکرد "هەردوو تۆمەتبارەكە لەبەردەم دادوەری لێكۆڵینەوەی بەردەڕەش دانیان بە تاوانەكەیاندا ناوە و ئێستاش بەپێی مادەی 316 لە یاسای سزادانی عیراقی راگیراون".

ب ح