مەودا میدیا-

ئەمڕۆ پێنجشەممە 2025/2/6، به‌پێی فه‌رمانی وه‌زاری ژماره‌ (2307) به‌ واژۆی وه‌زیری پێشمه‌رگه‌، پله‌ی هەشت هەزار و 168 پێشمه‌رگه‌ و ئەفسەری وه‌زاره‌تەکە له‌ خشته‌ی ئه‌یلولی ساڵی 2024، پله‌كانیان به‌رزكرایه‌وه‌.

شۆڕش ئیسماعیل وه‌زیری پێشمه‌رگه‌ی هه‌رێم رایگه‌یاند  "له‌ سه‌ره‌تای ده‌ستبه‌كاربوونیان له‌ وه‌زاره‌تی پێشمه‌رگه‌، پله‌به‌رزكردنه‌وه‌ی پێشمه‌رگه‌ و ئەفسەرانی وه‌زاره‌تەکەیان خستووەتە سه‌ر رێچكه‌ی یاسایی خۆی".

ئاماژەی بۆ ئەوەشکرد "پێویسته‌ پێشمه‌رگه‌ وه‌ك هه‌میشه‌ له‌ به‌ره‌وپێشچوون و به‌رزكردنه‌وه‌ی توانا سه‌ربازییه‌كانیدا بێت و دابینكردنی مافه‌كانی پێشمه‌رگه‌ و باشتركردنی ژیان و گوزه‌رانیان، له‌ ئه‌وله‌وییه‌تی كاری وه‌زاره‌تی پێشمه‌رگه‌ و پرۆسه‌ی چاكسازییه‌".

ب ح