مەودا میدیا-

ئەمڕۆ سێشەممە، تیمێكی تەندروستی چین گەیشتە شاری سلێمانی و بڕێكی زۆر لە كەلوپەلی پزیشكی هاوكاریان گەیاندە تەندروستی شارەكە.

تیمە تەندروستییەكەی چین بەمەبەستی هاوكاریكردنی شاری سلێمانی و تەندروستی شارەكە، زیاتر لە 40 هەزار ماسك و بەشێك لە كەلوپەلی تایبەتی تەندروستیان گەیاندە سلێمانی.

پێشتر تیمی تەندروستی چین بڕێكی زۆر هاوكاریان گەیاندووەتە هەولێرو سلێمانی و لە ماوەی رابردووش هاوكاری عیراقیان كردووە و بە سەدان هەزار ماسكیان پێشكەشی هەرێمی كوردستان كردووە.

هۆشداریشیاندا لە وەی كە ئەو ڤایرۆسە مەترسییە بۆ سەر هەموو جیهان و پێویستە هاوڵاتیان پابەندی رێنماییەكان بن.