مه‌ودا میدیا-

ئه‌مڕۆ دووشه‌ممه‌، به‌هاى تمه‌نى ئێرانى به‌رانبه‌ر به‌ دۆلارى ئه‌مه‌ریكى دابه‌زینى گه‌وره‌ى تۆماكرد.

ئیبراهیم غه‌فور، خاوه‌نى نوسینگه‌ى ئاڵوگۆڕى دراو له‌ سلێمانى به‌ مه‌ودا میدیاى راگه‌یاند "به‌هاى تمه‌ن به‌رده‌وامه‌ له‌ دابه‌زین به‌رانبه‌ر به‌ دۆلارى ئه‌مه‌ریكى و به‌شێوه‌یه‌كى به‌رچاو دابه‌زیووه‌".

وتیشى "ئه‌مڕۆ 100 دۆلار به‌رانبه‌ر به‌ 9 ملیۆن و 100 هه‌زار تمه‌نه‌ به‌شێوه‌ى كاش، هه‌روه‌ها به‌رانبه‌ر به‌ 9ملیۆن  و600 هه‌زار تمه‌نه‌ به‌شێوه‌ى حه‌واڵه‌".

ئه‌وه‌شى خسته‌ڕوو "دابه‌زینى به‌هاى تمه‌ن به‌رانبه‌ر به‌ دۆلار به‌هۆى سزا نوێكانى ئه‌مه‌ریكایه‌ به‌سه‌ر ئێران كه‌ دۆناڵد تره‌مپى، سه‌رۆكى ئه‌مه‌ریكا له‌و چه‌ند رۆژه‌ واژى كرد".

ع