مەودا میدیا-

بەڕێوبەرایەتی ئاوی سلێمانی ئاگاداری بەشێک لە گەڕەکەکانی شاری سلێمانی دەکاتەوە کە بەهۆی شکانی بۆری فولکەی قولەرەیسی لەسەر بۆری سەرەکی ۷٠٠ ملم گواستنەوەی ئاوی مدخلی سلێمانی (هێڵی ڕزگاری ) کە بۆ ماوەی سێ رۆژ بێ ئاو دەبن.

بەڕێوبەرایەتی ئاوی سلێمانی بڵاویکردەوە "ئاگاداری هاوڵاتیانی شاری سلێمانی دەکەین  کەدەکەونە سنوری ئەم گەڕەکانەوە بەهۆی شکاوی لە فولکەی قولەرەیسی لەسەر بۆری سەرەکی 700 ملم گواستنەوەی ئاوی مدخلی سلێمانی (هێڵی ڕزگاری ) لە 13ی نیسان وە ئەم گەڕەکانەی خوارە بێ ئاو دەبن بۆماوەی 3 ڕۆژ  وە بەردەوام ئەندازیاران و تیمەکانی چاکردنی بەڕێوبەرایەتیمان  کاردەکەن تابەزووترین کات چارەسەری بکەن ".

لە راگەیاندراوەکەدا ئاماژە بەوەکراوە "سنوری گەڕەکەکانی راپەڕین و سنوری گەڕەکەکانی بەکرەجۆ و گەڕەکەکانی رزگاری و بەختیاری وناوچەی پیشەسازی 1_2  و ئاوبارە و دەروازەسیتی 1 و قلیاسان و خەلیفاوا و هوانە و چوارچرا و چوارچرای نوێ و دییە ستی و لوبنان سیتی و   کوردسیتی 1_2 ئەوین سیتی و قەرەتۆغان بۆ سێ رۆژ بێ ئاو دەبن".