مەودا میدیا-

 لە چوارچێوەی رێكارەكانی رووبەڕووبوونەوەی كۆرۆنادا ئیدارەی پارێزگای دهۆک بڕیاریدا بە کردنەوەی چەند شوێنێک بەپێی رێنماییە تەندروستییەکان و ئاو کاتانەی کە بۆیان دیاریکراوە.

بەپێی ئەو خشتەی پارێزگای دهۆك دایناوە  بۆ هەر شوێنێك بەم شێوەیەیی خوارەوە كاتی كردنەوە و داخستنیان بۆ دیاریکراوە و پێویستە پابەندی رێنماییە تەندروستییەکانیش بن.

ئەو شوێنانەی دەکرێنەوە:

-كردنەوەی شوێنی فرۆشتنی شیرنی و ساردەمەنی بە شێوەی دیلیڤەری بەبێ دانیشتن، لە كاتژمێر 8:00ی بەیانی تا 5:00ی ئێوارە.
-شوێنی روونگۆڕ و پەنچەرچی ئۆتۆمبێل لە كاتژمێر 8:00ی بەیانی تا 5:00ی ئێوارە.
-شوێنی چاكردنەوەی ئامێرەكانی "دەڕاسە و تراكتۆر"، لە كاتژمێر 7:00ی بەیانی تا 5:00ی ئێوارە.