مەودا میدیا-
بە مەبەستی رێگریكردن لە بەرزبوونەوەی نرخ و نەهێشتنی هەرجۆرە سەرپێچییەك لە بازاڕەكاندا لە مانگی رەمەزاندا بەڕێوەبەرایەتی چاودێری بازرگانی گەرمیان شەش لیژنە پێكدەهێنێت. 

حیكمەت ئەحمەد، بەڕێوەبەری چاودێری بازرگانی گەرمیان بە مەودا میدیای راگەیاند"شەش لیژنەیان بۆ چاودێریكردنی بازاڕ و رێگریكردن لە بەرزبوونەوەی نرخ و هەر جۆرە سەرپێچییەكی تر پێكهێناوە كە ئەركی چاودێریكردنی تەواوی ناوچەكەیان لە ئەستۆیە". 

وتیشی"سێ‌ لەو لیژنانە بە شەوان و سێی تریشیان بە رۆژ چاودێری بازاڕەكان دەكەن". 

ئاماژەی بۆ ئەوەشكرد"ژمارەیەك لە فرۆشیار و دووكانداران بەهۆی سەرپێچی و گرانكردنی نرخەوە سزادراون، بەڵام تا ئێستا هیچ دووكان یان بازاڕێكیان بەهۆی سەرپێچییەوە دانەخستووە". 
ئ پ