مەودا میدیا-

ناوەندی هەماهەنگی قەیرانەکان لە حکومەتی هەرێم چەند رێنماییەکی تایبەت بە خۆپاراستن لە خۆڵبارین بڵاوکردەوە وداوا دەکات ماسک بەکاربهێنن و لە ماڵەکان بمێننەوە.

ماوەی دوو رۆژە شەپۆلێکی خۆڵبارین ناوچەکانی هەرێمی کوردستان و عیراقی گرتووەتەوە و کەشناسیش رایگەیاندووە "شەپۆلی خۆڵبارینەکە تاوەکو سبەینێ بەردەوام دەبێت".

رێنماییەکانی خۆپاراستن لە خۆڵبارین:

1-پێویستە دەرگا و پەنجەرەی ماڵەکەت دابخەیت.

2-راهێنانی قورس ئەنجام مەدە.

3-ئەگەر هەستت بە بێتاقەتی و هەناسەتەنگی کرد، سەردانی پزیشک بکە.

4-خۆڵبارین کاریگەریی دەکاتە سەر دەم و چاو و لوت، بۆیە بەکارهێنانی ماسک پێویستە.

5-خۆڵبارین مەترسیدارە بۆ ئەو کەسانەی نەخۆشی دڵ و رەبۆیان هەیە، هەروەها بۆ منداڵ و ژنانی دووگیان.

ب ح