مەودا میدیا-

ئه‌مڕۆ وەفدێکی ئابووری و بازرگانی ئێران بە سەرۆکایەتی ‌پارێزگارى كرماشان، سه‌ردانى هه‌ڵه‌بجه‌یان كر و جەختیان لە پته‌وكردنى په‌یوه‌ندییه‌ بازرگانییه‌كانى نێوان پارێزگای کرماشان و هەڵەبجە کردەوە.

نوخشه‌ ناسیح، پارێزگارى هه‌ڵه‌بجه‌ بە وەکالەت رایگەیاند "بڕیارە ئه‌و مه‌رزانه‌ى لەنێوان هەڵەبج و کرماشاندا هەیە بكرێنه‌ مه‌رزى فه‌رمى و ‌مانگى داهاتووش به‌ردى بناغه‌ى رێگاى مه‌رزی سازان داده‌نرێت، بەمشێوەیە ده‌روازه‌یه‌كى تر به‌رووى هه‌ڵه‌بجه‌دا دكرێته‌وه‌".

لای خۆیەوە مەنوچه‌هر حه‌یده‌رى، پارێزگارى كرماشان رایگەیاند "ئامانجى سه‌ردانه‌كه‌مان بۆ هه‌ڵه‌بجه‌ به‌رزكردنه‌وه‌ى ئاستى بازرگانیى و ئابورییه‌ له‌نێوان هه‌ردوو پارێزگاکەدا، کاردەکەین بۆ فراوانکردنی مه‌رزه‌كان و بازاڕە‌كان، بۆ ئه‌وه‌ى ژێرخانى ئابووریى هه‌ردوو پارێزگاكه‌ ببوژێته‌وه‌".

ب ح