مەودا میدیا- سازگار ئەحمەد

دوای ئەوەی شەوی رابردوو هەواڵی دۆزینەوەی تەرمی پۆلیسێک بە سەربڕدراوی لە تۆڕە کۆمەڵاتییەکان بڵاوکرایەوە لەنێوان شاری داقوق و شارۆچکەی خورماتوو وتەبێژی حەشدی شەعبی لە رێگەی مەودا میدیاوە هەواڵەکەی رەتکردەوە.

عەلی حسێنی، وتەبێژی حەشدی شەعبی لە خورماتوو بە مەودا میدیا راگەیاند "ئەو هەواڵە دوورە لە راستییەوە و هیچ رووداوێکی وا رووینەداوە".

ئەمەش لەکاتێکدایە، جموجوڵی چەکدارانی رێکخراوی تیرۆرستی داعش لەوناوچانە زیادیکردووە ئەمەش ترسی لای دانیشتووانی ئەو ناوچانە دروستکردووە.