مەودا میدیا-

بەڕێوەبەری گشتی تەندروستی پارێزگای سلێمانی رایگەیاند، بەهۆی خراپی دۆخی دارایی هاوڵاتیان بە ناچاری قەدەغەی هاتووچۆ هەڵدەگیرێت.

سەباح هەورامی، بەڕێوەبەری گشتی تەندروسی پارێزگای سلێمانی لە كۆنگرەیەكی رۆژنامەنوسیدا رایگەیاند "بەهۆی ئەوەی دۆخی حكومەتی هەرێمی كوردستان باش نییە و نەیتوانی هاوكاری هاوڵاتیان بكات، بە ناچاری قەدەغەی هاتووچۆ هەڵدەگیرێت".

باسی لەوەشكردووە "هاوڵاتیان چیتر ناتوانن بەرگەی ئەو دۆخە بگرن و دۆخی داراییان باش نییە، هەر لەبەرئەوەیە دوو رۆژی داهاتوو تەواوی دوكان و بازاڕەكان دەكرێنەوە و ژیان ئاسایی دەكرێتەوە".

هەروەها "داواشی لە هاوڵاتیان كرد لە كاتی چوونە دەرەوە پابەندی رێنماییەكان بن و خۆیان بپارێزن با دوربن لە نەخۆشی".