مەودا میدیا-

پرۆژەی ئاوی گۆپتەپە - چەمچەماڵ کە لە رۆژی 2024/6/24، لەلایەن وەزیری شارەوانی و گەشتوگوزاری هەرێمەوە بڕیاری جێبەجێكردنی درا بەڵام ئەمڕۆ بە چەند هۆکارێک کارەکانی پڕۆژەکە راگیرا.

رەمك رەمەزان، قایمقامی چەمچەماڵ بە مەودا میدیای راگەیاند "تەنها چارەسەر جێبەجێكردنی پرۆژەی ئاوی گۆپتەپە – چەمچەماڵە كە بەهۆی نەدانی پێشینە و بڕیاری بەڕێوەبەری گشتیی ئاو و ئاوەڕۆی هەرێم پڕۆژەکە راگیراوە".

ئاماژەی بۆ ئەوەشکرد "دڵنیایی دەدەنە هاوڵاتییانی قەزاکە ئەوەی ئەوەی پەیوەندی بە کێشەی ئیداری و سووتەمەنی و چاککردنەوەی تۆڕەکانی ئاو، بیرەکان، کێشەی ئیداری بێت ئەوەی لە دەسەڵاتی ئیدارەی چەمچەماڵ بێت چارەسەری دەکەن".

ئەوەشی خستەڕوو "جگە لە ئاو کێشەکانی تر لەبوارەکانی (پەروەردە، تەندروستی، رێگاوبان، کارەبا) لەسنووری قەزای چەمچەماڵ رووی لە باشبوون کردووە، بەڵام گرفتی ئاو یەکێکە لە کێشە گەورەکانی قەزاکە".

ب ح