مەودا میدیا-

شانەی قەیرانەکانی پارێزگای کەرکوک بڕیاریدا لە سەبینێوە بڕیاری نوێ جێبەجێ بكرێت و دەوامی فەرمانبەرانی شارەكەشی كردووە بە ڕێژەی 25 و هەموو جۆرە گردبوونەوەیەكیشی قەدەغەكردووە.

لە راگەیەندراوێكی شانەی قەیرانەكانی كەركوك هاتووە "قەدەغەی هاتووچۆ لە سبەی سێشەممەوە لە رۆژدا هەڵدەگیرێت لە سعات 6ی بەیانی بۆ 6ی ئێوارە، دەوازەکانی کەرکوک بەروی قەزاو ناحیەکاندا کراوە دەبن و نێوان پارێزگاکان بە داخراوی دەمێننەوە".

هەروەها "دەوامی فەرمانگەکان بەرێژەی سەدا 25 دەبێت و بەپێی بریاری بەرێوبەر و شانەی قەیرانەکان گورانکاری تێدا دەکرێت، هەموو جۆرە گردبونەوەیەک قەدەغەیە زیاتر لە 3 کەس، کەرەنتین کردنی هەموو ئەو کەسانەی دەگەرێنەوە کەرکوک، کاری تەکسی نابێت زیاتر بێت لە ۳ کەس و پاسەکان کارناکەن".

باس لەوەشكراوە "ئەوکەسانەی کاردەکەن دەبێت دەستکێش و دەمامک بکەن ئەگینا سزا دەدرێن، زیادکرنی هاوکاریەکانی کومپانیای نەوت بۆ شانەی قەیرانەکان".