مەودا میدیا-

ئەمینداری گشتىی حزبوڵڵا سەبارەت بە هەوڵەکانى حکومەتى لوبنان بۆ لە چەکداماڵینى گرووپەکەیان ئاشکرایکرد بڕیارەکەی حکومەت وڵات بەرەو شەڕی ناوخۆ و براكوژی پەلکێش دەکات.

شێخ قاسم نەعیم ئەمینداری گشتىیی حزبوڵڵا رایگەیاند "وەرگرتنەوەی چەک لە رەوتەکەیان کارئاسانی بۆ کوشتنی چەکدارەکان و خێزانەکانیان دەکات، بۆیە ئەگەر حکومەت سووربێت لەسەر بڕیارەکەی رووبەڕووی دەبنەوە".

ئاماژەی بۆ ئەوەشکرد "بڕیارەكەی حكومەت لەبارەی چەك داماڵین مەترسیدارەو وڵات دووچاری کێشەیەکی گەورە دەكاتەوە و پێچەوانەی گرێبەستیی پێكەوەژیانە و لوبنان بەبێ بوونی چەكی مەقاوەمە و بەرگری هیچ سەروەرییەكی نامێنێت".

ئەوەشی خستەڕوو "حزبوڵڵا پیلانی داگیرکردنی لوبنانی لەلایەن ئیسرائیلەوە پووچەڵ کردووەتەوە، ئەم حکومەتە درکی پێ بکات یان نا، خزمەت بە پرۆژەی زایۆنیستی دەکات، سەرسەختی لوبنانییەکان لەگەڵ حزبوڵڵادایە".

ب ح