مەودا میدیا-

راوێژکاری رێبەری شۆڕشی ئیسلامیی ئێران ھۆشداری دەدات لە ئەگەری دەستپێکردنی شەڕێکی نوێ لەگەڵ ئیسرائیل و ئاشکرایکرد دۆخەکە لەچوارچێوەی جەنگدا دەمێنێتەوە و ھەموو سیناریۆکان لەسەر مێزن.

یەحیا رەحیم سەفەوی، راوێژکاری عەلی خامەنەیی رایگەیاند "دۆخەکە لەچوارچێوەی شەڕدا دەمێنێتەوە و ھەموو سیناریۆکان لەسەر مێزن و ئێران رەچاوی خراپترین سیناریۆ دەکات و خۆی بۆ جەنگ ئامادەکردووە".

ئاماژەی بۆ ئەوەشکرد "هیچ رێککەوتنێکی ئاگربەست لەنێوان ئێران و ئەمەریکا و ئیسرائیلدا نییە، لە هەر کاتێکدا بێت، پێکدادانەکان دەستپێدەکەنەوە".

ئەوەشی خستەڕوو "شەڕێکی نوێ دروستدەبیت و رەنگە دوای ئەوە شەڕێکی تر روونەدات و ئەوانەی بەدوای ئاشتیدا دەگەڕێن دەبێت ئامادەبن بۆ شەڕ و باشترین ئامرازی بەرگریش هێرشکردنە".

ب ح