مەودا میدیا-

ژووری ئۆپەراسیۆنی بەرەنگاربوونەوەی ڤایرۆسی کۆرۆنا لە پارێزگای دهۆک چەند رێنماییەکی بۆ ئاسانکاری هاتووچۆی ئاساییکردنەوەی ژیان بڵاوکردەوە بەپێی رێنماییە نوێیەکان دوکانەکانی پۆشاک لە کاژێر 09:00ی بەیانی تاوەکو 06:00ی ئێوارە دەکرێنەوە و زێڕنگەرەکانیش لە رۆژانی شەممە و دووشەممە و چوارشەممە دەکرێنەوە.

 

بەپێی رێنماییە نوێیەکانی ژووری ئۆپەراسیۆنی بەرەنگاربوونەوەی ڤایرۆسی کۆرۆنا لە پارێزگای دهۆک، کارکردنی تەکسی بە سیستەمی تاک و جووت لە کاژێر 12:00ی بۆ 06:00ی ئێوارە و بە مەرجی ئەوەی دوو سەرنشین زیاتر هەڵنەگرێت، هەروەها دوکانەکانی پۆشاک لە کاژێر 09:00ی بەیانی تاوەکو 06:00ی ئێوارە دەکرێنەوە و زێڕنگەرەکانیش لە رۆژانی شەممە، دووشەممە و چوارشەممە دەکرێنەوە.

 

لە رێنماییە نوێیەکەدا هاتووە، نوسینگەی کڕین و فرۆشتنی خانوو لە رۆژانی یەکشەممە، سێشەممە و پێنجشەممە کاژێر 09:00 بۆ 06:00ی ئێوارە و پێشەنگەکانی ئۆتۆمبێل لە هەمان ئەو رۆژانەدا لە کاژێر 10:00 بۆ 05:00ی ئێوارە کراوە دەبن.

 

ژووری ئۆپەراسیۆنی بەرەنگاربوونەوەی ڤایرۆسی کۆرۆنا لە پارێزگای دهۆک ئاماژەی بەوەشکردووە "دەبێت هاونیشتمانیان پابەندی رێنماییەکانی وەکو دووری نێوانیان کە لە 1.5 مەتر کەمتر نەبێت، کۆنەبوونەوەی زیاتر لە دوو کەس بن لە یەک شوێندا، هەروەها دەمامک و دەستکێش بەکاربهێنن".