مەودا میدیا-

بەپێی نوسراوێکی وەزارەتی کشتوکاڵ و سەرچاوەکانی ئاوی حکومەتی هەرێمی کوردستان هاوردەکردنی ماسی سەلەمونی لە مانگی رەمەزاندا قەدەغەکرا ئاماژە بەوەشکراوە  بڕیارەکە لەپێناو پارێزگاریکردنە لە بەرهەمی ناوخۆییە و مەرج دانراوە بۆ خاوەن پڕۆژەکان.

 وەزارەتی کشتوکاڵ و سەرچاوەکانی ئاوی حکومەتی هەرێمی کوردستان بەپێی نوسراوی ژمارە 34 کە لە 2020/4/23 دەرچووە بڕیاریدا بە قەدەغەکردنی هاوردەکردنە ماسی سەلەمون لەماوەی مانگی رەمەزان بۆ هەرێمی کوردستان.

لە بڕیارەکەدا ئاماژە بەوەشکراوە "بڕیارەکە لەپێناو پارێزگاریکردنە لە بەرهەمی ناوخۆیی، هەروەها مەرج دانراوە کە خاوەن پڕۆژەکان پەبەندی بەرزنەکردنەوەی نرخ بن".

هەروەها ئەوەشخراوەتەڕوو "تایبەت بەو مۆڵەتانەشی پێش بڕیارەکە دراون بۆ هاوردەکردنی ماسی سەلەمون دەبێت لەماوەی دوو هەفتە هاوردەبکەن".