مەودا میدیا-

سەرۆک کۆماری ئێران ئاشکرایکرد هێرشەكانی ئەمەریکا بۆ سەر بەشێک لە دامەزراوە ئەتۆمییەکان نارەوا و هەوڵێک بوون بۆ نانەوەی پشێوی و نائارامی زیاتر لە رۆژهەڵاتی ناوەڕاست.

مەسعود پزیشكیان، سەرۆك کۆماری ئێران رایگەیاند "هەرگیز هەوڵی بەدەستهێنانی چەکی ئەتۆمییان نەداوەو بە فەتوای رێبەری باڵای شۆڕشی ئیسلامیی حەرامکراوە".

ئاماژەی بۆ ئەوەشکرد "ئێران پەیماننامەی قەدەغەکردنی بڵاوبوونەوەی چەکی ئەتۆمی واژۆ کردووە و تەنها لە چوارچێوەی یاسا نێودەوڵەتییەکاندا یورانیۆم دەپیتێنێت".

ب ح