مەودا میدیا-

سکرتێری چڤاتی نیشتمانی بزوتنەوەی گۆڕان رایدەگەیەنێت کاتی شانخاڵی کردن نییە لە بەرپرسیارێتی، کاتی بەرپرسیارێتی هاوبەشە و باس لەوەش دەکات مەعلومە ئەوانەی بەردەوام لە دەسەلات و هاوبەشی دەسەڵات بوون بەرپرسیاری ئەم دۆخە ئابووری و ئیداریە سەخت و خراپەن.

عەدنان عوسمان، سکرتێری چڤاتی نیشتمانی بزوتنەوەی گۆڕان لە لاپەڕەی تایبەتی خۆی لە تۆڕی کۆمەڵایەتی فەیسبووک دەنووسێت "خەمی ئێمە نە حزب و لایەنەکانە نە بەرپرس و کەسایەتیەکانە، ئێمە تەنها لە خەمی خەڵک و خاکداین، ئەوانەش کە پشتی گۆڕانیان نەگرت وبەتەنیایان جێهێشت، بەرپرسیارن".

ئاماژە بەوەشدەکات "کاتی شانخاڵی کردن نیە لە بەرپرسیارێتی، کاتی بەرپرسیارێتی هاوبەشە" باس لەوەشدەکات "کاتی شانخاڵی کردن نیە لە بەرپرسیارێتی.مەعلومە ئەوانەی بەردەوام لە دەسەلات و هاوبەشی دەسەڵات بون بەرپرسیاری ئەم دۆخە ئابوری و ئیداریە سەخت و خراپەن".

عەدنان عوسمان دەڵێت "خەمی ئێمە نە حزب و لایەنەکانە نە بەرپرس و کەسایەتیەکانە، ئێمە تەنها لە خەمی خەڵک و خاکداین. موچەو ژیان و بژێوی هاوڵاتیان لەسەروی هەمو خەمەکانی ترەوەیە. بۆ ئەوەش چی گرنگ و پێویست بێت پێی هەڵئەستین".

دەشڵێت "مەعلومە ئەوانەی بەردەوام لە دەسەلات و هاوبەشی دەسەڵات بون بەرپرسیاری ئەم دۆخە ئابوری و ئیداریە سەخت و خراپەن".