مەودا میدیا-

نوێنەری سكرتێری گشتی نەتەوە یەكگرتووەكان رایگەیاند  بەداخەوە ھێشتا پەتای كۆرۆنامان جێنەھێشتووە و باس لەوەشدەکات حكومەتی ھەرێمی كوردستان كارێكی ناوازەی بۆ بەرەنگاربوونەوەی كۆرۆنا كردووە و داواش لە ھاووڵاتییان دەكات، پابەندی رێنماییەكان بن.

جەنین ھانس پلاسخارت، نوێنەری سكرتێری گشتی نەتەوە یەكگرتووەكان لە عیراق و نوێنەری رێکخراوی تەندروستی جیهانیی،  لە كۆنفرانسێكی رۆژنامەوانیدا  لە هەولێر دەڵێت "لە نزیكەوە سەیری كارەكانی حكومەتی ھەرێمی كوردستانم كردووە و كارێكی زۆر باشیان لە بەرەنگاربوونەوەی كۆرۆنا كردووە".

دەشڵێت "بەرەنگاربوونەوەی كۆرۆنا تەنیا كاری حكومەت نییە  ھیچ حكومەتێك بە تەنیا ناتوانێت بەرەنگاری كۆرۆنا ببێتەوە و ئەوە كاری ھەموو تاكەكانە و دەبێت رێنماییە تەندروسییەكان پەیڕەو بكەن".

روونیشیدەکاتەوە "بەداخەوە ھێشتا پەتای كۆرۆنامان جێنەھێشتووە، ھەربۆیە دەبێ ھەموومان ئاگاداربین، بەڵام تائێستا دەسەڵاتدارانی عیراق و ھەرێمی كوردستان بە تایبەتیش حكوومەتی ھەرێمی كوردستان كارێكی زۆر باشیان ئەنجامداوە".