مەودا میدیا-

 بەڕێوەبەری گشتیی کاروباری شەهیدان و ئەنفالکراوان لە گەرمیان ئاشکرایکرد مووچەی مانگی ئەیلول (9)ی  وارسی ئەو شەهید و ئەنفالکراوانەیان راگرتووە، کە تاوەکو ئێستا کارتی نیشتمانییان نەهێناوە.

جەبار محەمەد، بەڕێوەبەری گشتیی کاروباری شەهیدان و ئەنفالکراوان لە گەرمیان رایگەیاند "نزیکەی 550 کەس دوای چەندینجار داواکاریی کارتی نیشتمانییان نەهێناوە، بۆیە ناچاربوون مووچەی مانگی داهاتوویان رابگرن".

ئاماژەی بۆ ئەوەشکرد "ئاسانکارییان بۆ ئەو وارسانە کردووە و هەرکەس رۆژی دابەشکردنی مووچە کارتەکەی بهێنێت، مامەڵەکەی بۆ تەواو دەکەن و مووچەکەی بۆ خەرج دەکەن".

ب ح