مەودا میدیا-

ئەندامێکی مەکتەبی سیاسی یەکێتیی نیشتمانیی کوردستان ئاشکرایکرد ئەگەر هەڵبژاردن دووباره‌ بکرێته‌وه‌ دەنگەکانیان زیاد دەکات و هی پارتی کەمدەکات.

سەعدی ئەحمەد پیرە، ئەندامی مەكتەبی سیاسی یەكێتیی نیشتمانیی کوردستان رایگەیاند "پارتی كە كورسی زیاترە مانای ئەوەنییە هەموو خەڵک  لەخزمەتی ئەواندابێت‌، هەڵبژاردنیش بكرێتەوە یەكێتی كورسیەكانی زیاد دەكات‌".

ئاماژەی بۆ ئەوەشکرد ""پێشتری پارتی لەگەڵ گۆڕان حكومەتی پێكهێناو شكستیهێنا، بۆچی ئەزمونێكی سەرنەكەوتوو دووبارە بكەنەوە و سەرۆك وەزیرانێكی هەرێمێكی یەكگرتوو، بەبێ‌ یەكێتیی نابێت".

ئەوەشی خستەڕوو "یەکێتی كێشەی لەگەڵ كۆتا نییە و دەیەوێت پێكهاتەكان نوێنەرایەتی راستەقینەی خۆیان بکەن، بەڵام پارتی لێناگەڕێ‌ پێكهاته‌كانى هه‌رێم نوێنەرایەتی خۆیان بكەن".

بایسی لەوەشکرد " پشتیوانی رۆژئاوا و سەرجەم لایەنە كوردستانییەكان دەكەن و  پێویست بوو كورد لە ناوچە دابڕێندراوەكان بە یەک لیست بەشداری هەڵبژاردنی پەرلەمانی عیراقی بكردایە".


ب ح