مەودا میدیا-

ئەمڕۆ چوارشەممە، وەفدێكی باڵای بزووتنەوەی گۆڕان سەردانی دەباشانیان كرد و لەگەڵ هاوسەرۆكی یەكێتیی نیشتمانیی كوردستان كۆبوونەوە  و باسیان لە پەیوەندییەكانی نێوانیان كر].

وەفدەكەی بزووتنەوەی گۆڕان بە سەرۆكایەتی جەلال جەوهەر، ئەندامی خانەی ڕاپەڕاندن و هەر یەكە لە عەدنان عوسمان و برزۆ مەجید و دەرباز محەمەد، ئەندامانی خانەی ڕاپەڕاندن و چەند ئەندامێكی تر پێكهاتبوون.

وەفدەكەی گۆڕان لە لایەن لاهور شێخ جەنگی، هاوسەرۆكی یەكێتی و هەر یەكە لە شاناز ئیبراهیم ئەحمەد و رزگار عەلی و ژمارەیەك ئەندامی مەكتەبی سیاسی پێشوازیان لێكرا.

مەبەستی سەردانەكەی بزووتنەوەی گۆڕان بۆ لای یەكێتی باشكردنی پەیوەندییەكانی نێوانیان و پیرۆزبای لە كۆنگرەیەكی چوارەمی ئەو حزبە بوو.

بەپێی زانیارییەكان، سەرەڕای گفتوگۆكردن لەسەر پتەوكردنی پەیوەندییەكانیان، لە بارەی دۆخی ئێستای هەرێمی كوردستان و خراپی گوزەرانی هاوڵاتیان و نەدانی مووچە و دواكەوتنی و دۆخی سیاسی عیراق و كابینەی داهاتووی حكومەتی عیراق گفتوگۆیان كردووە.