مەودا میدیا-

سەرۆكی لیژنەی پیشەسازی و بازرگانی لە ئەنجومەنی پارێزگای سلێمانی رایدەگەیەنێت، ئاردی سلێمانی كە لە ئاشەكانەوە گەنمیان بۆ نێردراوە دەركەوتووە مشك و حەشەرات و پاشەڕۆی حەشەراتی تێدا بووە.

كەریم عەلی، سەرۆكی لیژنەی پیشەسازی و بازرگانی لە ئەنجومەنی پارێزگای سلێمانی بە مەودا میدیای راگەیاند "بەڵێ، سایلۆكان و شوێنی هەڵگرتنی گەنم لە سنوری پارێزگای سلێمانی پڕن لە حەشەران و مشك و پاشماوەی حەشەرات و پییسی و شتی تر".

ئەوەشی خستەڕوو "كاتێك ئەو گەنمە ڕەوانەی ئاشەكان دەكرێت، بەو پاشماوە و حەشەراتانەوە دەبرێت و لەوێ تێكەڵی ئاشەكە دەبن و لەگەڵ گەنمەكە پێكەوە دەهاڕدرێن و تێكەڵ دەبن و دەكرێنە ناو ئاردەكەوە".

وتیشی "پێویستی چارەسەری خێرا بۆ ئەو گرفتە گەورە دروست بكرێت و هەرچی زووە لایەنی پەیوەندیدار پێداچوونەوە بەو شێوازە بكرێن چونكە مەترسی لەسەر هاوڵاتیان دروست دەكات".