مەودا میدیا-

ئێوارەی ئەمڕۆ یەكشەممە، هەر یەكە لە كوتلەی هاوپەیمانی نیشتمانی و دەوڵەت یاسا لە ئەنجومەنی نوێنەرانی عیراق دژی مستەفا كازمی وەستانەوە و رایانگەیاند دەنگ بە كابینەكەی نادەن.

ئەیاد عەللاوی، سەرۆكی هاوپەیمانی نیشتمانی رایگەیاند"بەرنامەی حكومەتەكە كازمی دیار نییە و ناڕونی پێوە دیارە، بۆیە لە كۆبوونەوەی ئەنجومەنی نوێنەرانی عیراق دەنگی پێنادەین".

هەروەها نوری مالكی، سەرۆكی دەوڵەتی یاسا لە ئەنجومەنی نوێنەرانی عیراق رایگەیاند "بەهیچ شێوەیەك پشتگیری كابینەكەی كازمی ناكەین و لە كۆبوونەوەكە دەنگی پێنادەین و كاندیدیمان بۆ وەزارەتەكانیش نابێت".

ئەو هێرشانە بۆ سەر كازمی و كابینەكەی  لە كاتێكدایە بڕیارە لەم هەفتەیەدا كۆبوونەوەی ئەنجەومەنی نوێنەرانی عیراق بۆ متمانەدا بە كازمی و كابینەكەی بەڕێوەبچێت.