مەودا میدیا-

ئێوارەی ئەمڕۆ یەكشەممە، بڕیاردرا لە چەند ناوچەو گەڕەكێكی سەر بە شاری كەركوك قەدەغەی هاتووچۆی توند بەسەر هاوڵاتیان جێبەجێ بكرێت و بە هیچ شێوەیەك بە ئۆتۆمبێل و پیادە رێگەی پێنادرێت.

بەپێی بڕیارێكی نوێی شانەی قەیرانەكان لە كەركوك، لە هەر یەكە لە گەڕەكەكانی پەنجا عەلی، شۆرەجە و دەروازە، لەگەڵ ناحییەكانی لەیلان و تازەخورماتوو، قەدەغەی هاتووچۆی توند دەسەپێنرێت بەسەر هاوڵاتیان.

هەروەها "هاوڵاتی ئەو گەڕەك و ناوچانە بە هیچ شێوەیە بۆیان نییە بە ئۆتۆمبێل و پیادە هاتووچۆ بكەن، ئەوەش لە ترسی بڵاوبوونەوەی ڤایرۆسی كۆرۆنا".

هەروەها لە ناوچەو گەڕەكانی تر قەدەغەی هاتووچۆ بەو شێوەی ئێستا بەردەوام دەبێت واتە لە كاتژمێر 6ی ئێوارە بۆ 6ی بەیانی پەیڕەو دەكرێت.