مەودا میدیا- سازگار ئەحمەد

بەڕێوەبەری کۆمپانیای خۆراکی سلێمانی رایدەگەیەنێت دابەشکردنی بەشە خۆراکی مانگانە بەسەر هاوڵاتییاندا بەردەوام دەبێت ئاماژەی بەوەشکرد دەستکراوە بە دابەشکردنی بەشە خۆراکی مانگی دووی هاوڵاتییان.

شەوکەت محەمەد، بەڕێوەبەری کۆمپانیای خۆراکی سلێمانی بە مەودا میدیای راگەیاند "دابەشکردنی بەشە خۆراکی مانگانە بەسەر هاوڵاتییاندا بەردەوام دەبێت".

ئاماژەی بەوەشکرد "دابەشکردنی بەشە خۆراکی مانگی یەکی ئەمساڵی هاوڵاتییان تەواوبووە و دەستکراوە بە دابەشکردنی بەشە خۆراکی مانگی دوو ".

بەڕێوەبەری کۆمپانیای خۆراکی سلێمانی ئەوەشی خستەڕوو "هەروەک مانگەکانی دیکە بەشە خۆراکی هاوڵاتییان لە برنج و شەکر و زەیت پێکهاتووە".