مەودا میدیا-

به‌ڕێوه‌به‌رایه‌تیی پۆلیسی پارێزگای هه‌ولێر  به‌تۆمه‌تی سپیكردنه‌وه‌ و ساخته‌كردنی بڕی 3 ملیۆن دۆلار دوو كه‌سی به‌ ڕه‌گه‌ز ئه‌فریقی له‌ هه‌ولێر ده‌ستگیر کرد، ئەو دوو کەسە دانیان بە تاوانەکانیاندا ناوە و بە بڕیاری دادوەر  به‌پێی مادده‌ی (240) له‌ یاسای سزادان به‌ند كراون.

له‌وباره‌یه‌وه‌ به‌ڕێوه‌به‌رایه‌تیی پۆلیسی پارێزگای هه‌ولێر بڵاویكردووەته‌وه‌ "دوای كۆكردنه‌وه‌ی زانیاری و لێكۆڵینه‌وه‌یه‌كی ورد و چڕ، دوو كه‌سی به‌ ڕه‌گه‌ز ئه‌فریقی و خه‌ڵكی وڵاتی (غینیا)ی به‌ تۆمه‌تی سپیكردنه‌وه‌ و ساخته‌كردنی بڕی (3 ملیۆن دۆلار) ده‌ستگیر كران".

ئاماژە بەوەشکراوە "تۆمه‌تباران به‌ ناوه‌كانی (م..ع) و (د.ئ.ا)، دانیان نا به‌ تاوانه‌كه‌یاندا و به‌ بڕیاری دادوه‌ر و به‌پێی مادده‌ی (240) له‌ یاسای سزادان به‌ند كراون، دوای پشكنینی شوێنی نیشته‌جێبوویشیان، پۆلیس ده‌ستی به‌سه‌ر سه‌رجه‌م بڕه‌پاره‌كه‌ و هه‌روه‌ها ئه‌و كه‌لوپه‌لانه‌شدا گرت كه‌ بۆ سپیكردنه‌وه‌ و ساخته‌كردنی پاره‌ به‌كاریان هێنابوون".