مەودا میدیا-

به‌ڕێوبه‌رایه‌تی ته‌ندروستی سلێمانی ئاماری چوار مانگی رابردووی حاڵه‌ته‌كانی گیانله‌ده‌ستدانی منداڵانی بڵاوكرده‌وه‌ بەپێی ئامارەکە لەو ماوەیەدا 57 منداڵ گیانیان لەدەستداوە ، هەروەها هەر لەو ماوەیەدا  3304 منداڵ لە نەخۆشخانەی منداڵبوون لەدایكبوون.

بەپێی ئامارەکەی تەندروستی سلێمانی، لە ماوەی چوار مانگی رابردووی ئەمساڵدا 6458 منداڵ لەنەخۆشخانەی د.جەمال ئەحمەد رەشیدی منداڵانی فێركاری داخڵ كراون و چارەسەری پێویستیان بۆ كراوە. هەروەها  21 هەزار و 636 منداڵ سەردانی كلینكی راوێژكاری ئەو نەخۆشخانەیان كردووە.

ئەوەشخراوەتەڕوو، له‌ ناو ئەو منداڵانەی لەنەخۆشخانەی د.جەمال ئەحمەد رەشیدی منداڵانی فێركاری داخڵ كراون 3104 یان نەخۆشی كۆئەندامی هەناسەیان هەبووە و لەو ماوەیەدا 37 حاڵەتی گیان لەدەستدانی منداڵ تۆماركراوە.

تەندروستی سلێمانی ئاماری نەخۆشخانەی لە دایکبوونی بڵاوکردەوە و بەپێی ئامارەکە، 3304 منداڵ لە نەخۆشخانەی منداڵبوون لەدایكبوون كە 1209 یان بە نەشتەرگەری و 2051 یان بەشێوەی سروشتی لەدایكبوون، هەروەها  لە بەشی خودەج 46 منداڵ وەرگیراوە و 28 منداڵیش پاش لەدایكبوون گیانیان لەدەستداوە.