مەودا میدیا-

بەڕێوەبەرایەتی سندوقی قەرزی بچووك لە هەرێمی كوردستان لە بارەی گەڕانەوەی قەرزەكەوە روونكردنەوەیەك بڵاودەكاتەوە و دەڵێت گەڕانەوەی قەرزەكە ئارەزوومەندانەیە.

لە روونكردنەوەیەكی ئەو بەڕێوەبەرایەتییە هاتووە "لە چوارچێوەی وەرگرتنەوەی قەرزەكانی حكومەت، قەرزی بچووكیش كە لە ماوەی رابردوو بەهاوڵاتیان دراوە، لە هاوڵاتیان وەردەگیرێتەوە و بڕی گەڕانەوەكەش ئارەزوومەندانەیە".

ئاماژە بەوەشكراوە "داشكاندن بۆ ئەو هاوڵاتیانە دەكرێت كە سودمەندبوون لە وەرگرتنی قەرز، بەڵام تائێستا بڕەكەی دیاریكراو نییە، بەڵام لەو حاڵەتەدا دەبێت ئەو كەسە تا ناوەڕاستی مانگی داهاتوو قەرزەكە بگێڕیتەوە و لە دەرچوونی بڕیاری نوێ هەمووان ئاگادار دەكرێنەوە".

لە هەرێمی كوردستان زیاتر لە 10 هەزار هاوڵاتی سودمەندبوون لە وەرگرتنی قەرزی بچوم و بڕی پارەكەش لە یەك ملیۆنەوە بۆ 15 ملیۆن دینار بووە.