مەودا میدیا-

لیژنەی باڵای تەندروستی و سەلامەتی نیشتیمانی عیراق بە سەرۆكایەتی مستەفا كازمی بڕیاریدا لە رۆژانی جەژنی رەمەزان قەدەغەی هاتووچۆ سەرتاسەری بێت، قەدەغەی هاتووچۆی شەوانیش بەردەوام دەبێت.

لە راگەیەندراوێكی ئەو لیژنەیە هاتووە "بەهەمان شێوەی رابردوو قەدەغەی هاتووچۆ بەردەوام دەبێت لە شەو تا بەیانی، بەڵام لە کاتژمێر 5ی ئێوارە تاوەکو 5ی بەرەبەیان دەبێت، كە پێشتر 6ی ئێوارەبوو بۆ 6ی بەرەبەیان".

هەروەها " رۆژانی جەژنی رەمەزانی پیرۆز قەدەغەی هاتووچۆی سەرتاسەریە و كەس بۆی نییە هاتووچۆ بكات".

باس لەوەشكراوە " وەزارەتی گواستنەوە مەرج بۆ سەلامەتی گواستنەوەی هاوڵاتیان بۆ پاسەکان دادەنێت و بەهەمەهەنگی لەگەڵ وەزارەتی ناوخۆ لێپرسینەوە لەسەرپێچیکاران دەکرێت".