مه‌ودامیدیا - سه‌باح خدر 

رۆژنامه‌کانی ئیسپانیا هۆکارێکی نوێ ئاشکرا ده‌که‌ن که‌ یانه‌ی ریاڵ مه‌درید ده‌یه‌وێت کلیان مباپی بکڕێت نه‌ک نیماری به‌رازیلی که‌ هه‌ردووکیان له‌یانه‌ی پاریس سانجێرمان یاری ده‌که‌ن .

پێگه‌ی دیفنساسنترالی ئیسپانی ئه‌وه‌ی خستۆته‌ روو که‌ هه‌رچه‌نده‌ یانه‌ی ریاڵ مه‌درید له‌ وه‌رزی رابردوودا ده‌یویست ( نیمار ) له‌ یانه‌ی پاریس سانجێرمانه‌وه‌ بگوازێته‌وه‌ بۆ ریزه‌کانی بۆ ئه‌وه‌ی شوێنی ( کریستیانو ) بگرێته‌وه‌ که‌ په‌یوه‌ندی به‌ یانه‌ی یۆڤانتوسه‌وه‌ کرد ، به‌ڵام له‌ ئیستادا هاوکێشه‌که‌ گۆڕاوه‌و ئیداره‌ی یانه‌ی شاهانه‌ ( کلیان مباپی ) به‌ باشتر ده‌زانێت که‌ له‌ ریزی یانه‌که‌دا یاری بکات نه‌ک نیمار.

هۆکاره‌که‌شی بۆ ئه‌وه‌ گه‌ڕانده‌وه‌ که‌ ( مباپی ) له‌سه‌ره‌تای وه‌رزدا هه‌تا ئێستا ئاستێکی باشی پێشکه‌ش کردوه‌ له‌گه‌ڵ یانه‌ی پاریس سانجێرمان له‌سه‌رجه‌م خوله‌کاندا هه‌روه‌ها جگه‌ له‌وه‌ش نرخی ئه‌و یاریزانه‌ ته‌مه‌ن 21 ساڵه‌و نزیکه‌ی 200 ملیون یۆرۆیه‌.

به‌ڵام نیماری به‌رازیلی به‌هۆی پێکانه‌وه‌ نه‌یتوانیوه‌ به‌و شێوه‌ی ( مباپی ) ده‌ربکه‌وێت و هه‌روه‌ها ئه‌و یاریزانه‌ له‌ ساڵی 2019 دا نرخی 180 ملیون یۆرۆ بوه‌ ، به‌ڵام له‌ ساڵی 2020 دا پێشبینی ئه‌وه‌ ده‌کرێت نرخه‌که‌ی که‌متر بکرێته‌وه‌ بۆ 160 ملیون یۆرۆ.