مەودا میدیا-

بەپێ ئەو رێککەوتنەی پارتی دیموکراتی کوردستان و بزووتنەوەی گۆڕان بۆ پێکهێنانی کابینەی نۆیەمی حکومەتی هەرێم کوردستان کردویانە بڕیاردراوە چەند پۆستێک بدرێتە بزووتنەوەی گۆڕان و ئەمڕۆش لە قۆناغی دووەم دوو پۆستی نوێ درایه بزووتنەوەی گۆڕان.

ئەو دوو پۆستەی ئەمڕۆ درایە بزووتنەوەی گۆڕان لە کابینەی نۆیەم هەریەک لە بریکاری وەزیری پەروەردەوە درایە دکتور سیوان عەلی و بریکاری وەزیری کارەباش درایە کامیل قەزاز.

بزووتنەوەی گۆڕان جگە لە وەرگرتنی 10پۆستی باڵا، 12%ی پۆستەکان لە کابینەی نۆیەمی پێدەدرێت، به‌پێی رێکكه‌وتنەکە بزووتنەوەی گۆڕان چوار وه‌زیر و چوار بریكاری وه‌زیر، 22 به‌ڕێوه‌به‌ری گشتی 22 راوێژكار لە حکومەت وەردەگرێت. بەرپرسانی گۆڕان باس لەوە دەكەن، هێشتا زۆربەی پۆستەكانیان پێنەدراوە. بزووتنەوەی گۆڕان لەم خولەی پەرلەمانی كوردستان خاوەنی 12 كورسییە