مەودا میدیا-

بەپێی وتەی كەشناسێكی عیراقی، هەفتەیەكی پڕوكێنەری گەرما بەڕێوەیەو چەند وڵاتێك دەگرێتەوەو یەكێك لەو وڵاتانەش عیراق دەبێت.

سادق عەتیە لە تویتەری خۆی باسی لەوەكردووە "لە 14ی مانگەوە شەپۆلێكی گەرما كە سەرچاوكەی بەهۆی بەرزە هەوای نیمچە جەمسەری لە چینە بەرزەكانی هەودا، وا دەكات پلەكانی گەرما بەشێوەی بەرچاو بۆ یەك هەفتە بەرزببنەوە".

ئەوەشی خستەوەتەڕوو "ئەو شەپۆلە چەند وڵاتێكی باشوری ئەوروپا و توركیاو دەریای ناوەڕاست و باكوری ئەفریقیاو عیراق و شام و سعودیە و ئەردەنیش دەگرێتەوە".

ئەوەشی خستوەتەڕوو "دوای بەردەوام بوونی ئەو شەپۆلە بۆ یەك هەفتە، دواتر پلەكانی گەرما دادەبەزن و كەشێكی خۆش لە ناوچەكە دروست دەبێت.